«Գինեվան» գինու գործարանը հիմնադրվել է 2005 թ.: Իր առաջին արտադրանքը սպառողին է ներկայացրել 2011 թ.: Մեկ տարի անց սկսել է արտահանել իր արտադրանքը եւ տեղական շուկայում դարձել է սիրված բրենդերից մեկը՝ շնորհիվ իր բարձրորակ արտադրանքի:
Մեր գործարանն առաջինն է ողջ անդրկովկասյան տարածաշրջանում, որ սկսել է արտադրել ելակի գինի, որն արժանացել է ոսկե մեդալի 2012 թ. անցկացված «Լոգոս Էքսպո» ցուցահանդեսում: Ներկայումս մենք առաջատար դիրք ենք զբաղեցնում մեր շրջանառության եւ արտահանման ծավալներով եւ դասվում ենք հայկական հինգ խոշորագույն գինեգործական ընկերությունների թվին: Բացի գինիներից, մեր գործարանն արտադրում է նաեւ թունդ ալկոհոլային խմիչք, որը նույնպես արտահանվում է:
«Գինեվանն» ունի իր սեփական մարկետինգային բաժինը, որը զբաղվում է ինչպես տեղական, այնպես էլ արտահանման շուկաների վերլուծությամբ: Այժմ ընկերությունը, շնորհիվ իր բարձր տեխնոլոգիաների եւ առաջադեմ սարքավորումների, արտադրում է ավելի քան 40 տեսակի գինիներ եւ թունդ ալկոհոլային խմիչք թե՛ ստանդարտ եւ թե՛ հուշանվերային շշերով: